No marco da subvención do Ministerio de Agricultura, Pesca e Alimentación para a realización de actividades de especial interese para promover o papel das mulleres no desenvolvemento rural, a Asociación de Mulleres de Cooperativas Agroalimentarias de España (AMCAE) porá en marcha un programa de accións no que a innovación social, económica e tecnolóxica ocupará un lugar central.
O evento enmárcase dentro da necesidade de seguir promovendo a plena participación das mulleres nas cooperativas agroalimentarias gallegas, recoñecendo o seu papel esencial na base produtiva e abordando a brecha que aínda persiste nos espazos de toma de decisións. Neste contexto, pretende converterse nun espazo de reflexión, debate e proposta de accións que fortalezan a presenza activa das mulleres socias nas súas organizacións, así como fomentar a creación e consolidación de redes de apoio entre elas. Tamén busca achegar ideas innovadoras para avanzar cara a unha participación máis equitativa, destacar o orgullo de ser agricultoras e gandeiras comprometidas coa terra e dar a coñecer os mecanismos da Política Agrícola Común (PAC) que poden contribuír á incorporación das mulleres e ao fortalecemento das súas explotacións.
Data de finalización: 28 de maio de 2026
Horario: De 9:30 a 14:30
Lugar: Centro de Servizos Múltiples – Casa da Catoira (San Román de Cervantes, Lugo)
Para máis información e inscrición, póñase en contacto connosco a través do seguinte correo electrónico: gestion@amcae.org ou por teléfono no 915 351 035.
