O obxectivo principal é que os asistentes afiancen as súas competencias emprendedoras no rural : obter información sobre os pasos básicos para a posta en marcha dun negocio, afondar na elaboración dun plan de empresa, e adquirir competencias noutras cuestións transversais como a comunicación ou a cooperación e a xeración de sinerxías con outras iniciativas.

Público obxectivo

• Emprendedores que posúan o seu propio negocio pero queiran diversificar a súa actividade e ampliar os seus coñecementos, tendo en conta a zona xeográfica do obradoiro.
• Emprendedores con idea de negocio pero que necesitan asesoramento sobre como dar o paso e iniciar un negocio, tendo en conta a localización xeográfica do obradoiro.
• Persoal técnico/equipos do Grupo de Acción Local interesados en aplicar os contidos do curso ao seu traballo e á súa área.