A mocidade rural é o futuro do territorio. Porén, a falta de oportunidades de emprego, formación, lecer e vivenda leva a moitos mozos a optar por trasladarse ás grandes cidades e buscar un futuro nos contornos urbanos. Para reverter esta situación, os mozos deben participar na toma de decisións dos seus territorios e desempeñar un papel activo nos procesos de gobernanza.

Neste contexto, os Grupos de Acción Local xogan un papel fundamental como dinamizadores, identificando as necesidades reais da mocidade do rural e conseguindo así unha maior participación e implicación deste colectivo na comarca.

Este intercambio de experiencias LEADER pretende crear un espazo de reflexión e debate, de posta en común de ideas e iniciativas postas en marcha por distintos Grupos de Acción Local que poidan servir de inspiración e referencia para outros territorios, a Administración, outras entidades rurais, e mesmo os propios mozos.